Sjálfstæðismenn og framsóknarmenn ætla að halda viðræðum um myndun meirihluta í bæjarstjórn Fjarðabyggðar áfram í dag. Fyrsti formlegi fundurinn var í gær og segir Jens Garðar Helgason, oddviti sjálfstæðismanna, að "góður gangur sé kominn í viðræðurnar. Fundurinn í kvöld var gagnlegur og viðræður flokkanna halda áfram á morgun."
Valdimar Hermannsson Sjálfstæðisflokki fékk flestar útstrikanir á kjörseðlum í Fjarðabyggð eða 114. Flestar útstrikanir hjá Framsóknarmönnum fékk Guðmundur Þorgrímsson 59 og Esther Ösp Gunnarsdóttir 20 hjá Fjarðalistanum.
Forsvarsmenn Framsóknarflokksins og Á-listans munu hittast á morgun á formlegum fundi um myndun meirihluta í sveitarfélaginu Fljótsdalshéraði. Þetta staðfesti Stefán Bogi Sveinsson, oddviti Framsóknarflokksins, í samtali við Agl.is í kvöld.
Stefán Bogi Sveinsson, oddviti Framsóknarflokksins á Fljótsdalshéraði, segir að úrslit sveitarstjórnarkosninganna í sveitarfélaginu, vera skilaboð um að kjósendur vilji að flokkurinn leiði nýjan meirihluta í sveitarfélaginu.
Framsóknarflokkurinn og Á-listi á Fljótsdalshéraði ætla að halda áfram að ræða um myndun meirihluta í bæjarstjórn. Fundað verður áfram í dag.
Cecil Haraldsson, oddiviti lista vinstri grænna á Seyðisfirði, segir listann hafa náð því lágmarki sem hann setti sér, að koma að manni. Flokkurinn bauð ekki fram í eigin nafni annars staðar á Austurlandi.
Sigrún Harðardóttir, sem var í öðru sæti Á-listans á Fljótsdalshéraði, segir úrslit kosninganna í sveitarfélaginu þýða að kjósendur vilji breytingar. Meirihlutinn féll og hefjast formlegar meirihlutaviðræður milli Á-listans og Framsóknarflokksins í kvöld.
Elvar Jónsson, oddviti Fjarðalistans, segir úrslitin í Fjarðabyggð í takt við landið í heild þar sem sitjandi meirihlutar féllu víða. Svo fór ekki í Fjarðabyggð en Elvar segir samt eðlilegt að Sjálfstæðisflokkurinn, sem er orðinn fjölmennastur í bæjarstjórn, leiði meirihlutaviðræður.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.